Cun cumpetenza e pragmatissem a la soluziun efficiainta dals problems.
lic. iur. Sonja Rothwangl-Bosshard, LL.M
Naschida e creschida sü i’l chantun da Turich, ho Sonja Rothwangl absolt sieu stüdi da la giurisprudenza a l’Universited da Turich e Losanna. Zieva l’acquist da la patenta d’advocata ed ün stüdi da diplom supplementer in Australia ho ella lavuro a partir dal 2016 scu advocata in ün’advocatura d’economia a Turich. Tar sieus champs giuridics predilets tuochan il dret da contrats, da societeds, d’immobiglias e d’ierta.
Sonja Rothwangl, naschida dal 1985, ho dal 2009 glivro sieu stüdi da la giurisprudenza a l’Universited da Turich cul licenziat. In seguit ho ella lavuro scu auditura e nudera tal tribunel districtuel da Winterthur, aunz cu s’acquister dal 2012 la patenta d’advocata dal chantun da Turich.
Zieva es Sonja Rothwangl steda activa scu advocata in ün’advocatura internaziunela a Turich. L’an 2013 ho ella alura absolt ün stüdi da diplom supplementer a l’University of Sydney in Australia.
Dal 2016 fin al 2020 ho Sonja Rothwangl lavuro scu advocata in ün’advocatura d’economia cun cliaints internaziunels a Turich. Sias activiteds prioritarias düraunt quista operusited eiran la cussagliaziun e rapreschantaziun dad intrapraisas e cliaints privats pretensius, e que in dumandas da purteda naziunela ed internaziunela sül champ dal dret da contrats e societeds, da distribuziun, da concurrenza e dals cartels scu eir dal dret reel immobiglier. Daspö il principi dal 2021 fo ella part dal team Ganzoni & Pedretti SA scu advocata.
Sonja Rothwangl discuorra e scriva tudas-ch, inglais e frances. Ella es commembra da la Federaziun svizra e grischuna d’advocats.