Advocatura

Ganzoni & Pedretti SA es üna pratcha d’advocats e notars, gestiuneda dals proprietaris i’l center da san Murezzan, fundeda our dals büros precedaints da dr. Urs Nater e Riet Ganzoni. Il team da lic. iur. Riet Ganzoni e Ramiro Pedretti MLaw UZH spordscha consulenza ed assistenza leghela a cliaints privats, impraisas e vschinaunchas in tuot las dumandas giuridicas e que chi sto in connex cun quellas. Numerus cliaints engiadinais, svizzers ed esters as fidan già dals servezzans cumpetents da Ganzoni & Pedretti SA.

Cumpetenza, determinaziun ed individualited

Els e Lur böts persunels ed economics staun i’l center da nossa lavur. Nus tscherchains da ragiundscher ils meglders resultats per Els, nus redigiains ed autentifichains per Els contrats e documaints sün imsüra ed Als rapreschantains cun persistenza in tuot las proceduras giuridicas ed administrativas. Inua cha que nun es pussibel da ragiundscher soluziuns extragüdicielas, processains cun coerenza e determinaziun. Per incler a fuonz Lur bsögns, mettains grand pais sül contact persunel. Grazcha a nos background multiling Als cusgliains in Lur lingua preferida.

Nossa lavur as basescha sün experienza solida e furmaziun periodica e cuntinuanta. Scha Lur bsögns surpassan nossas cumpetenzas principelas, pudains nus quinter sün ün’excellenta rait naziunela ed internaziunela da specialists.