Cun l’ögl pel fundamentel ed eloquenza a soluziuns persvasivas
Mlaw/lic.iur. Corinne Moreno-Bauer
Naschida e creschida sü illa cited da Turich, ho Corinne Moreno absolvo sia furmaziun giuridica a las universiteds da Lucerna e Genevra. In seguit ho’la lavuro scu substituta in ün büro d’advocatura cun orientaziun internaziunela a Turich, aunz cu müder per 15 ans i’l sectur da schurnalissem e communicaziun. Daspö il 2024 lavur’la tar Ganzoni & Pedretti scu collavuratura giuridica e nun cun que be turneda a sias rischs giuridicas ma eir a sias rischs engiadinaisas.
Corinne Moreno, naschida dal 1982, es creschida sü illa cited da Turich. Zieva il stüdi da bachelor all’Universited da Lucerna ho’la müdo per ün semester da scambi all’Universited da Genevra, inua ch’ella s’ho acquisteda il Certificat de droit transnational. 2006 ho’la finieu sieus stüdis da giurisprudenza darcho al l’Universited da Lucerna cul licenziat. In seguit ho’la absolvo sieu an da paracticum scu substituta in ün büro d’advocatura d’economia cun orientaziun internaziunela aunz cu cuntinuer sia carriera i’l sectur da schurnalissem e comunicaziun.
A partir dal 2020 es Corinne Moreno turneda illa giurisprudenza. Tar üna plattafuorma da servezzans per administratuors da faculted a Turich ho’la d’üna vart fabricho sü il departemaint da comuinicaziun e faiva da l’otra vart part dal team giuridic per temas da dret da societeds cu eir per proceduras da concessiuns FINMA e proceduras da müdamaint da concessiuns da societeds associedas. Dal 2024 es Corinne Moreno turneda scu collavuratura giuridica tar Ganzoni & Pedretti definitivmaing a sias rischs giuridicas.
Corinne Moreno discuorra tudas-ch, inglais, italiaun, frances e spagnöl.