lic. iur. Raffaele De Vecchi

Element 1 Ragiundscher ils böts fixos cun prudenza e savida. Element 2

lic. iur. Raffaele De Vecchi
advocat

lic. iur. Raffaele De Vecchi

 

Naschieu e creschieu sü a Champfèr, ho Raffaele De Vecchi glivro dal 2011 sia furmaziun giuridica a l’Universited da Turich. Zieva l’acquist da la patenta d’advocat dal 2015 ed activited professiunela tar ün’advocatura i’l chantun Tessin ho el lavuro a partir dal 2018 illa secziun giuridica da la RSI a Lugano. Daspö il 2020 cumplettescha Raffaele de Vecchi il team da Ganzoni & Pedretti scu advocat.

Raffaele De Vecchi, naschieu dal 1986, s’ho acquisto dal 2011 il licenziat da la faculted da giurisprudenza da l’Universited da Turich cun prioriteds i’l dret privat, dret da procedura civila, ledscha da scussiun e concuors (SchKG) e dret administrativ. L’an 2015 s’ho el acquisto la patenta d’advocat tessinais.

Sia lavur pratica l’ho mno dal tribunel civil da prüm’instanza a Mendrisio (Pretura) a la procura publica da Basilea-Cited, inavaunt tar duos advocaturas, inua ch’el lavuraiva sül champ forensic e consultativ, fin tar la patenta d’advocat tessinais. In seguit ho el lavuro in ün’advocatura pü granda a Lugano, inua ch’el processaiva in tuot ils champs dal dret privat, taunt in fatschendas naziunelas scu eir internaziunelas. Sül champ da la cussagliaziun vaiva la furmaziun pondereda da las relaziuns giuridicas la priorited. Dal 2018 ho el müdo illa secziun giuridica da la Societed svizra da radio e televisiun (RSI), inua ch’el eira activ i’l dret da medias, illa cussagliaziun da program ed i’l dret da contrats. Al principi da l’an 2020 es Raffaele De Vecchi entro i’l team da Ganzoni & Pedretti scu advocat.

Raffaele De Vecchi so perfettamaing tudas-ch, taliaun, frances e rumauntsch. El es commember da la Federaziun svizra e grischuna d’advocats.

Inavous.